Nam caniculae exortu accendi solis vapores 2.107.1
quis ignorat? cuius sideris effectus amplissimi in terra
sentiuntur: fervent maria exoriente eo, fluctuant in cellis
vina, moventur stagna. orygem appellat Aegyptus feram,
quam in exortu eius contra stare et contueri tradit ac 5
velut adorare, cum sternuerit. canes quidem toto eo
spatio maxime in rabiem agi non est dubium.