| Ad capitis dolorem | |
| Ad capitis dolorem etiam in febre primis diebus bene facit serpylli | 1.1 |
| pondo quadrans, rosae aridae pondo quadrans. haec incoquuntur duobus | |
| sextariis aceti acerrimi, donec ad dimidias perducantur. inde sumitur | |
| cyathus et in duobus rosae commiscetur frequenterque curatur ex eo ca- | |
| put: ubi enim concaluit quod infusum est, nisi eo recens adiciatur, nocet. | 5 |
| Item prodest eodem modo ruta per se vel cum hederae bacis decoc- | 2.1 |
| ta. polygonion quoque et menta multis profuit eadem ratione decocta et | |
| infusa capiti dolenti, spondylion et agni semen et platani pilulae similiter | |
| aceto incoctae rosaeque folia residuo aceto commixta. | |
| Cum autem pluribus diebus permanserit dolor, tum omnium supra | 3.1 |
| dictorum oportet uncias singulas sumere iisque admiscere lauri bacarum, | |
| castorei, nucum amararum, pulei, samsuci foliorum, singulas uncias et in | |
| aceti sextariis tribus decoquere ad dimidias et eodem modo rosa admixta | |
| non tam frequenter caput curare. | 5 |
| Ad omnem capitis dolorem efficaciter prodest crocomagmatis | 4.1 |
| pondo sextans, aluminis fissi vel gallae pondo uncia. haec terere ex aceto | |
| et rosa vicibus adiecta oportet, usque dum mellis habeant spissitudinem, | |
| atque inde frontem et utraque tempora oblinere. | |
| Ad capitis dolorem, cum inveteraverit, bene facit haec compositio: | 5.1 |
| myrrhae 𐆖 p. I, croci 𐆖 p. II, amygdalarum amararum 𐆖 p. II, rutae | |
| viridis 𐆖 p. III, sphondylii 𐆖 p. I, panacis 𐆖 p. I, lauri bacarum 𐆖 | |
| p. III, serpylli 𐆖 p. II, castorei 𐆖 p. I. teruntur haec omnia aceto et | |
| fiunt pastilli; cum opus est, diluuntur aceto et rosa in mellis spissitudinem | 5 |
| atque ita frons et tempora inlinuntur. | |
| Oportet vero permanente capitis dolore materiam quoque detra- | 6.1 |
| here ex eo per nares vel os. quae res etiam auriculam vel dentem dolenti- | |
| bus prodest nec minus quibus subitae vertigines obversantur, quos scoto- | |
| maticos Graeci dicunt; item comitiali morbo correptos et caligine impe- | |
| ditos ex magna parte levat. debent autem ii omnes pridie abstinere et | 5 |
| superioribus diebus aquam potare. | |
| Per nares ergo purgatur caput his rebus infusis per cornu, quod | 7.1 |
| rhinenchytes vocatur: hederae suco per se vel betae suco cum exiguo flore | |
| aeris vel cyclamini suco mixto lacte aut aqua pari mensura. | |
| Bene detrahit e naribus liquorem et haec compositio: salis, nitri, | 8.1 |
| mellis, aceti, olei veteris, singulorum 𐆖 p. binum, cyclamini suci, staphi- | |
| dos agrias, quam herbam pediculariam, quod eos necat, quidam appellant, | |
| singulorum 𐆖 p. I. haec in unum mixta naribus per cornu infunduntur | |
| vel pinna longiore nares interius perfricantur. cum satis visum fuerit | 5 |
| fluxisse, ut reprimatur, aqua frigida nares diutius abluere pura oportet | |
| vel ea, in qua pridie crocum adiectum maceratum fuerit. | |
| Sed si per os magis detrahere materiam visum fuerit, quia non sine | 9.1 |
| tormento per nares ea deduceretur, suadebimus pyrethri radiculam com- | |
| manducare atque subinde hiantem pati fluere salivam, vel uvam passam | |
| cum piperis albi granis totidem dabimus commanducandam et expuen- | |
| dam: aeque enim et haec deducunt pituitam. bene facit et sinapi ex | 5 |
| aceto tritum et non excastratum gargarizatum trium cyathorum mensura | |
| admixto mellis pondo quadrante: detrahit enim largiter pituitam. | |
| Prodest, cum diu caput dolet, et adtondere ad cutem et radere et | 10.1 |
| diutius siccum ad relaxationem cutis fricare et aqua calida fovere pura | |
| vel laurum incoctam habente. quo tempore etiam sternutamentum conci- | |
| tare non alienum erit medicamento, quod ex his rebus componitur: vera- | |
| tri albi, castorei, struthii, quod est radix lanaria, piperis albi, singulorum | 5 |
| 𐆖 p. I. haec contusa tenuiter forato cribro transmittuntur; cum opus | |
| fuerit, per pinnam aut calamum scriptorium naribus sufflentur vel spe- | |
| cillo tincto in aquam et excusso tacta naribus iniciantur. proritat sternu- | |
| tamentum etiam per se contusum et eadem ratione iniectum veratrum al- | |
| bum. linguam enim nigram, siccam et aridam sternutatio statim inundat. | 10 |
| Capitis dolorem quamvis veterem et intolerabilem protinus tollit | 11.1 |
| et in perpetuum remediat torpedo nigra viva imposita eo loco, qui in | |
| dolore est, donec desinat dolor et obstupescat ea pars. quod cum primum | |
| senserit, removeatur remedium, ne sensus auferatur eius partis. plures | |
| autem parandae sunt torpedines eius generis, quia nonnumquam vix ad | 5 |
| duas tresve respondet curatio, id est torpor, quod signum est remedia- | |
| tionis. |