CARMINA
Epigrammatum liber
Mart. 11.20
Quod futuit Glaphyran Antonius, hanc mihi poenam 4.1
  Fulvia constituit, se quoque uti futuam.
Fulviam ego ut futuam? quid si me Manius oret
  paedicem, faciam? non puto, si sapiam.
'aut futue, aut pugnemus' ait. quid, quod mihi vita 5
  carior est ipsa mentula? signa canant!
Cod.Bern. 109 PLM 4.122B
Convivae, tetricas hodie secludite curas, 5.1
  ne maculent niveum †nebula corda diem:
omnia sollicitae ponantur murmura mentis,
  ut †vacet totum pectus amicitiae.
non semper gaudere licet: fugit hora, iocemur: 5
  difficile est fatis subripuisse diem.