MOSTELLARIA
ARGVMENTVM
Manu mísit emptos suos amores Philolaches ar.1
Omnemque absente rem suo absumit patre.
Senem ut revenit ludificatur Tranio:
Terrifica monstra dicit fieri in aedibus
Et inde † primum emigratum. intervenit 5
Lucripeta faenus faenerator postulans.
Ludosque rursum fit senex; nam mutuom
Acceptum dicit pignus emptis aedibus.
Requirit quae sint: ait vicini proxumi.
Inspectat illas. post se derisum dolet, 10
Ab sui sodale gnati exoratur tamen.