CISTELLARIA
ARGVMENTVM
Comprimit adulescens Lemnius Sicyoniam, ar.1
Is redit in patriam, et gnatam generat nuptiis.
Sicyonia aeque parit puellam. hanc servolus
Tollit átque exponit, ét ex insidiis aucupat.
Eam sublatam meretrix alii detulit. 5
Lemno post rediens ducit quam compresserat
Lemnique natam spondet adulescentulo
Amore capto illius proiecticiae.
Requirens servos reperit quam proiecerat.
Itaque lege et rite civem cognitam 10
Alcesimarchus, ut erat nactus, possidet.