II | |
Passer, deliciae meae puellae, | 2.1 |
quicum ludere, quem in sinu tenere, | |
cui primum digitum dare appetenti | |
et acres solet incitare morsus | |
cum desiderio meo nitenti | 5 |
carum nescioquid libet iocari, | |
credo, ut, cum gravis acquiescet ardor, | 8 |
sit solaciolum sui doloris: | 7 |
tecum ludere, sicut ipsa, posse | 9 |
et tristes animi levare curas | 10 |
tam gratumst mihi quam ferunt puellae | |
pernici aureolum fuisse malum, | |
quod zonam soluit diu ligatam. |