PRO M. SCAVRO ORATIO
August. rhet. R.L.M. 150Halm
  Maxime fuit optandum M. Scauro, iudices, ut nullo a.1
suscepto cuiusquam odio sine offensione ac molestia re-
tineret, id quod praecipue semper studuit, generis, familiae,
nominis dignitatem.
Asc. Sc. 18.19
  Subiit etiam populi iudicium inquirente Cn. Domitio c.1
tribuno plebis.
Asc. Sc. 19.7
  Reus est factus a Q. Servilio Caepione lege Servilia, d.1
cum iudicia penes equestrem ordinem essent et P. Rutilio
damnato nemo tam innocens videretur ut non timeret illa.
Asc. Sc. 19.18
  Ab eodem etiam lege Varia custos ille rei publicae e.1
proditionis est in crimen vocatus; vexatus a Q. Vario tri-
buno plebis est.
Asc. Sc. 20.12
  Non enim tantum admiratus sum ego illum virum, f.1
sicut omnes, sed etiam praecipue dilexi. Primus enim me
flagrantem studio laudis in spem impulit posse virtute me
sine praesidio fortunae, quo contendissem, labore et con-
stantia pervenire. 5