FRAGMENTA
Gel. N.A. 7.2.15
Chrysippus aestuans laboransque, quonam <pacto> fr1.1
explicet et fato omnia fieri, et esse aliquid in nobis,
intricatur hoc modo.
Serv. A. 3.376
Fatum est conexio rerum per aeternitatem se invicem tenens, fr2.1
quae suo ordine et lege variatur, ita tamen, ut ipsa varietas
habeat aeternitatem.
August. C.D. 5.8
Tales sunt hominum mentes, quali pater ipse fr3.1
Iuppiter auctiferas lustravit lumine terras.
Macr. Sat. 3.16.3 sq.
Nam cum esset apud se ad Lavernium Scipio fr5.1
unaque Pontius, adlatus est forte Scipioni acupenser,
qui admodum raro capitur, sed est piscis, ut ferunt,
in primis nobilis. Cum autem Scipio unum et alterum
ex iis, qui eum salutatum venerant, invitavisset plures- 5
que etiam invitaturus videretur, in aurem Pontius:
'Scipio', inquit, 'vide, quid agas; acupenser iste
paucorum hominum est.'