Liber III
Cic. Att. 2.3.4
interea cursus, quos prima a parte iuventae 8.1
quosque adeo consul virtute animoque petisti,
hos retine atque auge famam laudesque bonorum.
EX INCERTIS LIBRIS
Non. 202M
quorum luxuries fortunas, censa peredit 9.1
[Prob.] ult. syll. GL 4.248K
nam quasi vos sibi dedecori genuere parentes 10.1
Cic. Off. 1.77
cedant arma togae, concedat laurea laudi 11.1
[Sal.] Cic. 5
O fortunatam natam me consule Romam! 12.1
Cic. Att. 2.15.3
in montes patrios et ad incunabula nostra 13.1
MARIVS
Cic. Leg. 1.2
nuntia fulva Iovis, miranda visa figura 19.1
Cic. Div. 1.106
hic Iovis altisoni subito pinnata satelles 20.1
arboris e trunco, serpentis saucia morsu,
subrigit ipsa feris transfigens unguibus anguem
semianimum et varia graviter cervice micantem.
quem se intorquentem lanians rostroque cruentans 5
iam satiata animos, iam duros ulta dolores
abicit ecflantem et laceratum adfligit in unda
seque obitu a solis nitidos convertit ad ortus.
hanc ubi praepetibus pinnis lapsuque volantem
conspexit Marius, divini numinis augur, 10
faustaque signa suae laudis reditusque notavit,
partibus intonuit caeli pater ipse sinistris.
sic aquilae clarum firmavit Iuppiter omen.
Isid. Orig. 19.1.20
tunc se fluctigero tradit mandatque paroni 21.1