Carmina Marciana et similia
Liv. 25.12.2
Amnem, Troiugena, [Romane] ––⏕– fuge Cannam, 1
ne te alienigenae cogant [in] campo Diomedis
conseruisse manus ⏑⏑–. Sed tu neque credes
<ante> mihi donec compleris sanguine campum
multaque milia caesorum tua deferet amnis
in pontum magnum ex terra frugiferente; 5
piscibus atque avibus †ferisque quae incolunt terras
ut fuat esca caro tua. Nam sic est Iovis fatus.
Liv. 25.12.8
Hostem, Romani, si ex agro expellere vultis, 2.1
quae vomica advenit longe, Phoebo voveatis
comiter ut fiant ludi redeuntibus annis
publicitus stipe conlata. Ludis faciundis
praesit qui summum populo plebeique dabit ius. 5
Mactetur bis quinque viris Graeco hostia ritu.
Hoc recte si faxitis, gaudebitis semper
vostraque res fiet melior: deus exiget ille
perduelles, placide vestris qui pascit in arvis.
Liv. 23.11.1
Sic si faxitis, Romani, res meliores 3.1
vestrae escunt, mage procedet res publica vobis
ex sententia, erit victoria vestra duelli.
Ast lucris meritis de praeda donum et honorem
mittite Pythio. A vobis lascivia abesto. 5