| non est passus Agamemnon me diutius declamare in | 3.1.1 |
| porticu quam ipse in schola sudaverat, sed 'adules- | |
| cens' inquit 'quoniam sermonem habes non publici | |
| saporis et, quod rarissimum est, amas bonam men- | |
| tem, non fraudabo te arte secreta. nil mirum <si> in | 2.1 |
| his exercitationibus doctores peccant, qui necesse ha- | |
| bent cum insanientibus furere. nam nisi dixerint quae | |
| adulescentuli probent, ut ait Cicero, "soli in scholis | |
| relinquentur". sicut ficti adulatores cum cenas divi- | 3.1 |
| tum captant nihil prius meditantur quam id quod | |
| putant gratissimum auditoribus fore (nec enim aliter | |
| impetrabunt quod petunt nisi quasdam insidias auri- | |
| bus fecerint), sic eloquentiae magister, nisi tamquam | 4.1 |
| piscator eam imposuerit hamis escam, quam scierit | |
| appetituros esse pisciculos, sine spe praedae moratur | |
| in scopulo. quid ergo est? parentes obiurgatione | 4.1.1 |
| digni sunt, qui nolunt liberos suos severa lege profice- | |
| re. primum enim sic ut omnia, spes quoque suas am- | 2.1 |
| bitioni donant. deinde cum ad vota properant, cruda | |
| adhuc studia in forum [im]pellunt et eloquentiam, qua | |
| nihil esse maius confitentur, pueris induunt adhuc | |
| nascentibus. quod si paterentur laborum gradus fieri, | 3.1 |
| ut studiosi iuvenes lectione severa irrigarentur, ut sa- | |
| pientiae praeceptis animos componerent, ut verba At- | |
| tico stilo effoderent, ut quod vellent imitari diu audi- | |
| rent, <si persuaderent> sibi nihil esse magnificum | 5 |
| quod pueris placeret, iam illa grandis oratio haberet | |
| maiestatis suae pondus. nunc pueri in scholis ludunt, | 4.1 |
| iuvenes ridentur in foro, et quod utroque turpius est, | |
| quod quisque perperam <di>dicit, in senectute confi- | |
| teri non vult. sed ne me putes improbasse schedium | 5.1 |
| Lucilianae humilitatis, quod sentio et ipse carmine | |
| effingam: | |
| artis severae si quis ambit effectus | 5.1.1 |
| mentemque magnis applicat, prius mores | |
| frugalitatis lege poliat exacta. | |
| nec curet alto regiam trucem vultu | |
| cliensque cenas impotentium captet, | 5 |
| nec perditis addictus obruat vino | |
| mentis calorem, neve plausor in scaenam | |
| sedeat redemptus histrionis ad rictus. | |
| sed sive armigerae rident Tritonidis arces | |
| seu Lacedaemonio tellus habitata colono | 10 |
| Sirenumve domus, det primos versibus annos | |
| Maeoniumque bibat felici pectore fontem. | |
| mox et Socratico plenus grege mittat habenas | |
| liber et ingentis quatiat Demosthenis arma. | |
| hinc Romana manus circumfluat et modo Graio | 15 |
| †exonerata† sono mutet suffusa saporem. | |
| interdum subducta foro det pagina cursum | |
| et fortuna sonet celeri distincta meatu; | |
| dent epulas et bella truci memorata canore, | |
| grandiaque indomiti Ciceronis verba minentur. | 20 |
| his animum succinge bonis: sic flumine largo | |
| plenus Pierio defundes pectore verba.' |