Sol autem ipse quattuor differentias habet, 2.81.1
bis aequata nocte diei, vere et autumno, in centrum incidens
terrae octavis in partibus arietis ac librae, bis permutatis
spatiis, in auctum diei bruma, octava in parte capricorni,
noctis vero solstitio, totidem in partibus cancri. inae- 5
qualitatis causa obliquitas e<st> signiferi, cum pars aequa
mundi super subterque terras omnibus fiat momentis.
sed quae recta in exortu suo consurgunt signa longiore
tractu tenent lucem; quae vero obliqua, ociore transeunt
spatio. 10