| Et hactenus hortensia dicta sint, ciborum gratia dum- | 19.189.1 |
| taxat. maximum quidem opus in iisdem naturae restat, | |
| quoniam proventus tantum adhuc summasque quasdam | |
| tractavimus, vera autem cuiusque natura non nisi me- | |
| dico effectu pernosci potest, opus ingens occultumque di- | 5 |
| vinitatis et quo nullum reperiri possit maius. ne singulis | |
| id rebus contexeremus, iusta fecit ratio, cum ad alios | |
| medendi desideria pertinerent, longis utriusque dilationibus | |
| futuris, si miscuissemus. nunc suis quaeque partibus con- | |
| stabunt poteruntque a volentibus iungi. | 10 |