| <DECLAMATIO> | |
| Ultio quae petitur? Quae adversus homicidas scripta est, quae | 331.25.1 |
| adversus eos qui ter iniuriarum damnati sunt scripta est. Neque ego | |
| ignoro unde isti hic animus. Nova enim spes fecit hanc litem: homo | |
| alioqui petulans quaerit quomodo inpune occidat, quomodo manibus | |
| suis permittat omnia. Hoc ergo privilegium habeant qui bis iniuriarum | 5 |
| damnati sunt, ut tertio accusari sine periculo non possint? Hoc aequum | 26.1 |
| mortalium videri cuiquam potest? Vivit ille qui bis iniuriarum damnatus | |
| est, qui duabus partibus perît civitati, quem petulantia sua morti iam | |
| prope admovit: hic occiditur qui questus est? Utinam mihi contingeret | |
| apud eosdem illos iudices causam dicere qui istum absolverunt, homines | 5 |
| mites et misericordes, et qui turpissimos quoque cives tamen servare | |
| maluerint! |