| SERMO | |
| Hic adulescens iure infirmus est: nam quod lege agitur non solet vindi- | 358.1.1 |
| cari lege. Cur enim potius ab educatore quam a carnifice petatur talio? | |
| Sed praeterquam lege etiam facto laborat, quod quamvis educatorem, | |
| tamen patris loco pulsaverit. Dicat tamen educatorem fuisse hunc ab | 2.1 |
| initio crudelem, et hinc suspicatum iuvenem non esse illum verum | |
| patrem. Saepe amicis questum, quibusdam etiam mandasse ut inquire- | |
| rent qui aliquando infantes exposuissent. Hac re validius offensum | |
| senem. Itaque dedisse operam ut se pulsandum praeberet; deceptum | 5 |
| †certum habeo† etiam tempore ipso iuvenem incidisse in eum quem | |
| minime provocatum iniuria vellet. At illum confestim tamquam de | 3.1 |
| alieno non deliberasse sanguine et, quia redditurus esset expositum, | |
| debilitasse. Certe eum lege patris usum qui sciret nec se patrem nec | |
| hunc filium. Adulescentem autem, quia nondum prospectum illo | |
| tempore patrem habuerit, certe quia probare non potuerit, tacuisse; | 5 |
| nunc petere talionem. |