| SERMO | |
| Quaestiones sunt: an instrumenta itineris videri uniones possint; an, | 359.1.1 |
| etiamsi non possint videri, tamen, quoniam ad usum et ornamentum | |
| matronae parati sint, in commissum venire potuerint; an in usum parati | |
| sint; an, si in usum parati sint, non ostensi teneri possint, cum ostensi | |
| nihil debuerint; an, quamvis scrutari matronam non liceat, et ipsa | 2.1 |
| permittente et publicano licuerit; <an> perinde sit scrutationem | |
| permisisse ac rem ostendisse; an dimissa res peti possit; an haec dimissa | |
| sit (dicit enim publicanus non rem sed controversiam dimissam). |