| Depositi rapti quadruplum | |
| Qui depositum perdiderit, iuret et sibi habeat. Quidam cum | 361.pr.1 |
| depositum furto amisisset iuravit. Postea furem damnavit, exegit qua- | |
| druplum. Dominus hoc quoque petit. | |
| DECLAMATIO | |
| Meae pecuniae accessio ad me pertinet. Quid si enim cognitor meus, | 1.1 |
| quid si procurator hoc idem respondeat? Denique, quid si damnatus fur | |
| non totum solvisset? Nempe meum damnum erat. An iacturam debeo | |
| sentire, accessionem non debeo? Ego enim a te recessi cum iurasti; iam | |
| cum fure mihi negotium est: hic quidquid solverit ad me pertinet. | 5 |