| SERMO | |
| An sacerdos adhuc fuerit deprehensus, id est, an eo momento quo | 284.1.1 |
| deprehensus est perdiderit ius sacerdotis; an si adhuc sacerdos erat | |
| potuerit se postulare in hoc crimine; an optare usquam nisi in publico | |
| possit. | |
| DECLAMATIO | |
| Quod mihi sufficit, adulterum deprehendi. Neque enim illa excipitur | 2.1 |
| persona, et turpius est adulterium in sacerdote. 'Legem' inquit 'habuit.' | |
| Hoc tale est quale si ignosci sibi velit dux proditor, vitiator pupillae | |
| tutor. Sed finge me ex suspicione egisse cum illo adulterii: nempe | |
| damnatus caruisset sacerdotio. Adice quod lex potestatem servandi | 3.1 |
| concedit alterius. Scriptum est ut qui civem servaverit honoretur: num- | |
| quid potest praemium accipere qui se servaverit, aut iniuriarum damnari | |
| qui se pulsaverit? Praeterea lex adulterii prior est quam sacerdotis. | 4.1 |
| Sacerdos enim optat in publico: quod si adulter tetigerit, evasit. Quid | |
| quod ille pro duobus petebat? Nam adultera sine adultero non poterat | |
| occidi: et tunc utique caedem commisissem. |