| SERMO | |
| Indubitate pater hic timet ne et ille tyrannus fiat; sed non debet illum | 288.1.1 |
| facere suspectum, alioqui reus erit; non mittetur autem in exilium <nisi> | |
| suspectus. | |
| 'Tyrannicida optet quod volet.' Prima illa communia: nihil excipi. | |
| Illud proprium, plus deberi huic tyrannicidae, qui senex duos et filios | 5 |
| occiderit. Invidiosum itaque erat si quid petisset pertinens ad gratulati- | |
| onem. | |
| DECLAMATIO | |
| Tyrannos genui: nunc opto ut filius exulet. Quod mihi et citra | 2.1 |
| praemium licebat, hoc et pro praemio peto et pro ipso iuvene. Nihil dico | |
| de fato domus nostrae, non persequor rationem quoque metus mei; | |
| illud interim contentus sum dicere: 'Supervacui sunt metus, nihil | |
| imminet. Sed expectat ista plerumque sapientia gravior: quid tu accidere | 5 |
| credis illis qui liberos habent, quid maritis? Pater timeo.' Sed rationem | 3.1 |
| metus habent, sive (ut maxime vereor) fatum istud est domus nostrae: | |
| ignosces enim quod filios meos ultra mortem persequor. Nihil de illo | |
| timui qui primus tyrannus fuit; isdem praeceptis erat educatus quibus | |
| tu. Illo occiso timere non debui ne quis ex vobis idem cogitaret. | 5 |
| Occupavit tamen arcem alter, non in totum sua culpa: difficile fuit | |
| obstare illis qui convenerant †tyranno priore† velut ad heredem. Non | 4.1 |
| potes tutus esse in ea civitate in qua timeris. Nihil cogitasti: timeo dum | |
| innocens es. Vereor ne si quis te occiderit videatur tyrannicidium fecisse. |