| Ad aconitum | |
| Aconiti gustus est auster et subamarus, potum autem | 188.1 |
| protinus facit corpus grave et displicens. mordet autem stomachum et | |
| ipsum cor adficit; itaque sudor e vestigio insequitur multus et frigidus, | |
| maxime circa oculos et frontem apparet. inflantur intestina et venti plu- | |
| rimum emittunt qui biberunt, capitisque dolorem habent cum vertigine | 5 |
| quadam assidue quidem, sed praecipue cum e lectulo se levare conantur. | |
| proprium autem est huius mali medicamenti protinus lividos articulos et | |
| artus facere. sed adiuvantur facile qui id sumpserunt ruta quam plurima | |
| pota cum vino, item iure gallinae pinguis vel bubulae. prodest his et vi- | |
| num chamaepityn decoctam in se habens, item acetum melle mixtum, | 10 |
| in quo ferri stercus, quod scoriam Graeci vocant, ustum prius infervescat | |
| saepius et ita detur. item proficit abrotoni pondo sextans ex vino datus et | |
| origani pondo sextans eodem modo datus. praecipue autem adiuvabit, si | |
| quis coagulum leporis, hinnulei et porci in unum miscuerit et dederit ex | |
| vini acris hemina aut cyathis tribus 𐆖 I vel victoriati pondus. | 15 |