| Coloris incerti | |
| Emplastrum coloris incerti facit ad omnia mediocria vulnera, | 214.1 |
| quadrupedum morsus, contusa vel incisa articulamenta, ut fit, cum ad | |
| dentem pervenit pugnus. eadem ad furunculos mire facit et strumas om- | |
| nemque duritiem discutit, si quis perseveranter eam imponat. eadem ci- | |
| catricem ducit diutini ulceris et in totum ad omnia levia in quotidianos | 5 |
| usus mirifica est: tumorem non patitur fieri neque pus; haeret, ut fascia | |
| non sit opus; in balineo non excidet. haec est quam tu desiderasti: olei | |
| veteris pondo quinque, spumae argenteae pondo quinque. haec coquuntur, | |
| donec coeant, postea adicitur his resinae pituinae pondo quinque. ubi | |
| emplastri habet temperamentum, adicitur propolis malinae sincerae et | 10 |
| bonae, qualis est Attica, pondo selibra, deinde in caccabo deposito visci | |
| de quercu lecti pondo quadrans. hanc semper habeo compositam. |