| XXXII | |
| Vvis aridior puella passis, | 32.1 |
| buxo pallidior novaque cera, | |
| collatas sibi quae suisque membris | |
| formicas facit altiles videri; | |
| quoius viscera non aperta Tuscus | 5 |
| per pellem poterit videre aruspex; | |
| quae suco caret usque putris † pumex, | |
| nemo viderit hanc ut expuentem; | |
| quam pro sanguine pulverem scobemque | |
| in venis medici putant habere— | 10 |
| ad me nocte solet venire et affert | |
| pallorem maciemque larualem. | |
| ductor ferreus insulariusve | |
| lanternae videor fricare cornu. |