| LXX | |
| Illusit mihi pauper inquilinus: | 70.1 |
| cum libum dederat molaque fusa, | |
| carnum partibus additis in ignem, | |
| sacro protinus hinc abit peracto. | |
| vicini canis huc subinde venit | 5 |
| nidorem, puto, persecuta fumi, | |
| quae libamine mentulae comeso | |
| tota nocte mihi litat rigendo. | |
| at vos amplius hoc loco cavete | |
| quicquam ponere, ne famelicorum | 10 |
| ad me turba velit canum venire, | |
| ne dum me colitis meumque numen, | |
| custodes habeatis irrumatos. |