CAPTIVI
ARGVMENTVM
Captust in pugna Hégionis filius; ar.1
Alium quadrimum fugiens servus vendidit.
Pater captivos commercatur Aleos,
Tantum studens ut natum <captum> recuperet;
Et inibi émit olim amissum filium. 5
Is suo cum domino veste versa ac nomine
Vt amittatur fecit: ipsus plectitur;
Et is reduxit captum, et fugitivum simul,
Indicio cuius alium agnoscit filium.