MENAECHMI
ARGVMENTVM
Mercator Siculus, quoi erant gemini filii, ar.1
Ei surrupto altero mors optigit.
Nomen surrepticii illi indit qui domist
Avos paternus, fácit Menaechmum e Sosicle.
Et is germanum, postquam adolevit, quaeritat 5
Circum omnis oras. post Epidamnum devenit:
Hic fuerat alitus ille surrepticius.
Menaechmum omnes civem credunt advenam
Eumque appellant meretrix, uxor et socer.
I se cognoscunt fratres postremo invicem. 10