ADELPHOE
DIDASCALIA
INCIPIT TERENTI ADELPHOE : ACTA LVDIS FVNE- di.1
BRIBVS L · AEMELIO PAVLO QVOS FECERE Q · FABIVS
MAXVMVS P · CORNELIVS AFRICANVS : EGERE L ·
AMBIVIVS TVRPIO L · HATILIVS PRAENESTINVS :
MODOS FECIT FLACCVS CLAVDI TIBIIS SARRANIS 5
TOTA : GRAECA MENANDRV : FACTA VI M · CORNELIO
CETHEGO L · ANICIO GALLO COS ·
C. SVLPICI APOLLINARIS
PERIOCHA
Duos cum haberet Demea adulescentulos, per.1
dat Micioni fratri adoptandum Aeschinum,
sed Ctesiphonem retinet. hunc citharistriae
lepore captum sub duro ac tristi patre
frater celabat Aeschinus; famam rei, 5
amorem in sese transferebat; denique
fidicinam lenoni eripit. vitiaverat
eidem Aeschinus civem Atticam pauperculam
fidemque dederat hanc sibi uxorem fore.
Demea iurgare, graviter ferre; mox tamen 10
ut veritas patefactast, ducit Aeschinus
vitiatam, potitur Ctesipho citharistriam.