| BELLVM ILLYRICVM | |
| Illyri quoque sub Alpibus agunt imasque valles | 2.23.1 |
| earum et quaedam quasi claustra custodiunt abruptis | |
| torrentibus implicata. in hos expeditionem ipse sumpsit | |
| fierique pontes imperavit. hic et aquis et hoste turban- | |
| tibus, cunctanti ad ascensum militi scutum de manu | 5 |
| rapuit et viam primus ingressus est. tum agmine secuto | |
| cum subrutus multitudine pons succidisset, saucius | |
| manibus et cruribus, speciosior sanguine et ipso periculo | |
| augustior terga hostium percecidit. |