| Domino meo | |
| Pueri dum e balneis me sellula, ut adsolent, advehunt, inpru- | 5.59.1.1 |
| dentius ad ostium balnei fervens adflixerunt. Ita genum mihi | |
| simul abrasum et ambustum est; postea etiam inguem ex | |
| ulcere extitit. Visum medicis ut lectulo me tenerem. Hanc causam, | |
| si tibi videbitur, etiam domino patri tuo indicabis, si tamen vide- | 5 |
| bitur. Etiam cras mihi adsistendum erit familiari. Hodierno igitur | |
| otio et quiete labori me crastino praeparabo. Victorinus noster | |
| aget, ne me acturum putes. | |
| Vale, domine dulcissime. Dominam saluta. |