M. FRONTONIS ARION
  Arion Lesbius, proinde quod Graecorum memoria est, cithara 1.1
et dithyrambo primus, Corintho, ubi frequens incolebat, secundum
quaestum profectus magnis divitiis per oram Siciliae atque Italiae
partis Corinthum Tarento regredi parabat. Socios navalis Corin-
thios potissimum delegit; eorum navem audacter re bona maxime 5
onerat. Nave <i>n altum provecta cognovit soc<io>s quae
veherent cupidos potiri, necem sibi machinari. Eos precibus fatigat
aurum omne sibi haberent, unam sibi animam sinerent. Postquam
id frustra orat, aliam tamen veniam impetrat, ut in exitu vitae
quantum possiet cantaret. Id praedones in lucro duxere praeter 10
spolia summum artificem audire, cuius vocem praeterea nemo um-
quam post illa auscultaret. Ille vestem induit auro intextam item-
que citharam insignem. Tum pro puppi aperto maxime atque
edito loco constitit sociis inde consulto per navem ceteram dis-
persis. Ibi Arion studio inpenso cantare orditur scilicet mari et 15
caelo artis suae supremum commemoramentum. Carminis fine
cum verbo in mare desilit, delphinus excipit, sub<l>imem avehit,
navi praevortit, Taenaro exponit, quantum delphino fas erat, in
extimo litore.
  Arion inde Corinthum proficiscitur, et homo et vestis et 2.1
cithara ac vox incolumis. Periandrum regem Corinthium, cui per
artem cognitus acceptusque diu fuerat, accedit; ordine memorat
rem gestam in navi et postea in mari. Rex homini credere, miraculo
addubitare, navem et socios navalis, dum reciperent, opperiri. 5
Postquam cognovit portum invectos, sine tumultu acciri iubet;
voltu comi, verbis lenibus percontatur, num quidnam super Arione
Lesbio comperissent. Illi facile respondent Tarenti vidisse fortu-
natissimum mortalem secundo rumore pretia quaerere, laete esse,
domi cantare; quo diutius amore atque lucro et laudibus retineri. 10
Cum haec ita <d>icerent, Arion inrupit <ip>se eodem mo-
mento <si>c ut ab puppi steterat aperte veste auro intexta,
cithara insigni. Praedones inopinato visu consternati, cum neque
quicquam post illa negare aut non credere aut deprecari ausi sunt;
delphini facinus mirabantur tale. Amico delphino Taenari salvus 15
anniti visitur: delphino residens homo parva figura atque rei ar-
gumento magis quam simulacro composita.