| CI | |
| Illa manus quondam studiorum fida meorum | 1.101.1 |
| Et felix domino notaque Caesaribus, | |
| Destituit primos viridis Demetrius annos: | |
| Quarta tribus lustris addita messis erat. | |
| Ne tamen ad Stygias famulus descenderet umbras, | 5 |
| Ureret inplicitum cum scelerata lues, | |
| Cavimus et domini ius omne remisimus aegro: | |
| Munere dignus erat convaluisse meo. | |
| Sensit deficiens sua praemia meque patronum | |
| Dixit ad infernas liber iturus aquas. | 10 |