| XVII | |
| Quare tam multis a te, Laetine, diebus | 12.17.1 |
| Non abeat febris, quaeris et usque gemis. | |
| Gestatur tecum pariter pariterque lavatur; | |
| Cenat boletos, ostrea, sumen, aprum; | |
| Ebria Setino fit saepe et saepe Falerno, | 5 |
| Nec nisi per niveam Caecuba potat aquam; | |
| Circumfusa rosis et nigra recumbit amomo, | |
| Dormit et in pluma purpureoque toro. | |
| Cum recubet pulchre, cum tam bene vivat apud te, | |
| Ad Damam potius vis tua febris eat? | 10 |