| XXI | |
| Municipem rigidi quis te, Marcella, Salonis | 12.21.1 |
| Et genitam nostris quis putet esse locis? | |
| Tam rarum, tam dulce sapis. Palatia dicent, | |
| Audierint si te vel semel, esse suam; | |
| Nulla nec in media certabit nata Subura | 5 |
| Nec Capitolini collis alumna tibi; | |
| Nec cito ridebit peregrini gloria partus, | |
| Romanam deceat quam magis esse nurum. | |
| Tu desiderium dominae mihi mitius urbis | |
| Esse iubes: Romam tu mihi sola facis. | 10 |