| XLIII | |
| Facundos mihi de libidinosis | 12.43.1 |
| Legisti nimium, Sabelle, versus, | |
| Quales nec Didymi sciunt puellae | |
| Nec molles Elephantidos libelli. | |
| Sunt illic Veneris novae figurae, | 5 |
| Quales perditus audeat fututor, | |
| Praestent et taceant quid exoleti, | |
| Quo symplegmate quinque copulentur, | |
| Qua plures teneantur a catena, | |
| Extinctam liceat quid ad lucernam. | 10 |
| Tanti non erat, esse te disertum. |