| LXVI | |
| Bis quinquagenis domus est tibi milibus empta, | 12.66.1 |
| Vendere quam summa vel breviore cupis. | |
| Arte sed emptorem vafra corrumpis, Amoene, | |
| Et casa divitiis ambitiosa latet. | |
| Gemmantes prima fulgent testudine lecti, | 5 |
| Et Maurusiaci pondera rara citri; | |
| Argentum atque aurum non simplex Delphica portat; | |
| Stant pueri, dominos quos precer esse meos. | |
| Deinde ducenta sonas, et ais non esse minoris. | |
| Instructam vili vendis, Amoene, domum. | 10 |