| II | |
| Nasutus sis usque licet, sis denique nasus, | 13.2.1 |
| Quantum noluerat ferre rogatus Atlans, | |
| Et possis ipsum tu deridere Latinum: | |
| Non potes in nugas dicere plura meas, | |
| Ipse ego quam dixi. Quid dentem dente iuvabit | 5 |
| Rodere? carne opus est, si satur esse velis. | |
| Ne perdas operam: qui se mirantur, in illos | |
| Virus habe, nos haec novimus esse nihil. | |
| Non tamen hoc nimium nihil est, si candidus aure, | |
| Nec matutina si mihi fronte venis. | 10 |