| XXIX | |
| Rufe, vides illum subsellia prima terentem, | 2.29.1 |
| Cuius et hinc lucet sardonychata manus | |
| Quaeque Tyron totiens epotavere lacernae | |
| Et toga non tactas vincere iussa nives, | |
| Cuius olet toto pinguis coma Marcellano | 5 |
| Et splendent volso bracchia trita pilo, | |
| Non hesterna sedet lunata lingula planta, | |
| Coccina non laesum pingit aluta pedem, | |
| Et numerosa linunt stellantem splenia frontem. | |
| Ignoras quid sit? splenia tolle, leges. | 10 |