| XXXVII | |
| 'Centum Coranus et ducenta Mancinus, | 4.37.1 |
| Trecenta debet Titius, hoc bis Albinus, | |
| Decies Sabinus alterumque Serranus; | |
| Ex insulis fundisque tricies soldum, | |
| Ex pecore redeunt ter ducena Parmensi': | 5 |
| Totis diebus, Afer, hoc mihi narras | |
| Et teneo melius ista, quam meum nomen. | |
| Numeres oportet aliquid, ut pati possim: | |
| Cotidianam refice nauseam nummis: | |
| Audire gratis, Afer, ista non possum. | 10 |