| LXXVIII | |
| Condita cum tibi sit iam sexagensima messis | 4.78.1 |
| Et facies multo splendeat alba pilo, | |
| Discurris tota vagus urbe, nec ulla cathedra est, | |
| Cui non mane feras inrequietus Have; | |
| Et sine te nulli fas est prodire tribuno, | 5 |
| Nec caret officio consul uterque tuo; | |
| Et sacro decies repetis Palatia clivo | |
| Sigerosque meros Partheniosque sonas. | |
| Haec faciant sane iuvenes: deformius, Afer, | |
| Omnino nihil est ardalione sene. | 10 |