| XIII | |
| Sum, fateor, semperque fui, Callistrate, pauper, | 5.13.1 |
| Sed non obscurus nec male notus eques, | |
| Sed toto legor orbe frequens et dicitur 'Hic est', | |
| Quodque cinis paucis, hoc mihi vita dedit. | |
| At tua centenis incumbunt tecta columnis | 5 |
| Et libertinas arca flagellat opes, | |
| Magnaque Niliacae servit tibi glaeba Syenes, | |
| Tondet et innumeros Gallica Parma greges. | |
| Hoc ego tuque sumus: sed quod sum, non potes esse: | |
| Tu quod es, e populo quilibet esse potest. | 10 |