| XXIV | |
| Hermes Martia saeculi voluptas, | 5.24.1 |
| Hermes omnibus eruditus armis, | |
| Hermes et gladiator et magister, | |
| Hermes turba sui tremorque ludi, | |
| Hermes, quem timet Helius, sed unum, | 5 |
| Hermes, cui cadit Advolans, sed uni, | |
| Hermes vincere nec ferire doctus, | |
| Hermes subpositicius sibi ipse, | |
| Hermes divitiae locariorum, | |
| Hermes cura laborque ludiarum, | 10 |
| Hermes belligera superbus hasta, | |
| Hermes aequoreo minax tridente, | |
| Hermes casside languida timendus, | |
| Hermes gloria Martis universi, | |
| Hermes omnia solus et ter unus. | 15 |