| XLIX | |
| Non sum de fragili dolatus ulmo, | 6.49.1 |
| Nec quae stat rigida supina vena, | |
| De ligno mihi quolibet columna est, | |
| Sed viva generata de cupressu: | |
| Quae nec saecula centiens peracta | 5 |
| Nec longae cariem timet senectae. | |
| Hanc tu, quisquis es, o malus, timeto. | |
| Nam si vel minimos manu rapaci | |
| Hoc de palmite laeseris racemos, | |
| Nascetur, licet hoc velis negare, | 10 |
| Inserta tibi ficus a cupressu. |