| XXVIII | |
| Sic Tiburtinae crescat tibi silva Dianae | 7.28.1 |
| Et properet caesum saepe redire nemus, | |
| Nec Tartesiacis Pallas tua, Fusce, trapetis | |
| Cedat et inmodici dent bona musta lacus; | |
| Sic fora mirentur, sic te palatia laudent, | 5 |
| Excolat et geminas plurima palma fores: | |
| Otia dum medius praestat tibi parva December, | |
| Exige, sed certa, quos legis, aure iocos. | |
| 'Scire libet verum? res est haec ardua.' Sed tu | |
| Quod tibi vis dici, dicere, Fusce, potes. | 10 |