| LXXVIII | |
| Indignas premeret pestis cum tabida fauces | 1.78.1 |
| Inque ipsos vultus serperet atra lues, | |
| Siccis ipse genis flentes hortatus amicos | |
| Decrevit Stygios Festus adire lacus. | |
| Nec tamen obscuro pia polluit ora veneno | 5 |
| Aut torsit lenta tristia fata fame, | |
| Sanctam Romana vitam sed morte peregit | |
| Dimisitque animam nobiliore rogo. | |
| Hanc mortem fatis magni praeferre Catonis | |
| Fama potest: huius Caesar amicus erat. | 10 |