| XXXI | |
| Cum comes Arctois haereret Caesaris armis | 9.31.1 |
| Velius, hanc Marti pro duce vovit avem; | |
| Luna quater binos non tota peregerat orbes, | |
| Debita poscebat iam sibi vota deus: | |
| Ipse suas anser properavit laetus ad aras | 5 |
| Et cecidit sanctis hostia parva focis. | |
| Octo vides patulo pendere nomismata rostro | |
| Alitis? haec extis condita nuper erant: | |
| Quae litat argento pro te, non sanguine, Caesar, | |
| Victima, iam ferro non opus esse docet. | 10 |