| LXXXIV | |
| Cum tua sacrilegos contra, Norbane, furores | 9.84.1 |
| Staret pro domino Caesare sancta fides, | |
| Haec ego Pieria ludebam tutus in umbra, | |
| Ille tuae cultor notus amicitiae. | |
| Me tibi Vindelicis Raetus narrabat in oris, | 5 |
| Nescia nec nostri nominis Arctos erat: | |
| O quotiens veterem non infitiatus amicum | |
| Dixisti 'Meus est iste poeta, meus!' | |
| Omne tibi nostrum quod bis trieteride iuncta | |
| Ante dabat lector, nunc dabit auctor opus. | 10 |