| XCVII | |
| Rumpitur invidia quidam, carissime Iuli, | 9.97.1 |
| Quod me Roma legit, rumpitur invidia. | |
| Rumpitur invidia, quod turba semper in omni | |
| Monstramur digito, rumpitur invidia. | |
| Rumpitur invidia, tribuit quod Caesar uterque | 5 |
| Ius mihi natorum, rumpitur invidia. | |
| Rumpitur invidia, quod rus mihi dulce sub urbe est | |
| Parvaque in urbe domus, rumpitur invidia. | |
| Rumpitur invidia, quod sum iucundus amicis, | |
| Quod conviva frequens, rumpitur invidia. | 10 |
| Rumpitur invidia, quod amamur quodque probamur: | |
| Rumpatur, quisquis rumpitur invidia. |