| XXIV | |
| Natales mihi Martiae Kalendae, | 10.24.1 |
| Lux formosior omnibus Kalendis, | |
| Qua mittunt mihi munus et puellae, | |
| Quinquagensima liba septimamque | |
| Vestris addimus hanc focis acerram. | 5 |
| His vos, si tamen expedit roganti, | |
| Annos addite bis precor novenos, | |
| Ut nondum nimia piger senecta, | |
| Sed vitae tribus areis peractis | |
| Lucos Elysiae petam puellae. | 10 |
| Post hunc Nestora nec diem rogabo. |