| XXXIII | |
| Simplicior priscis, Munati Galle, Sabinis, | 10.33.1 |
| Cecropium superas qui bonitate senem, | |
| Sic tibi consoceri claros retinere penates | |
| Perpetua natae det face casta Venus: | |
| Ut tu, si viridi tinctos aerugine versus | 5 |
| Forte malus livor dixerit esse meos, | |
| Ut facis, a nobis abigas, nec scribere quemquam | |
| Talia contendas carmina, qui legitur. | |
| Hunc servare modum nostri novere libelli, | |
| Parcere personis, dicere de vitiis. | 10 |