| XLIV | |
| Quinte Caledonios Ovidi visure Britannos | 10.44.1 |
| Et viridem Tethyn Oceanumque patrem, | |
| Ergo Numae colles et Nomentana relinquis | |
| Otia, nec retinet rusque focusque senem? | |
| Gaudia tu differs, at non et stamina differt | 5 |
| Atropos, atque omnis scribitur hora tibi. | |
| Praestiteris caro—quis non hoc laudet?—amico, | |
| Ut potior vita sit tibi sancta fides; | |
| Sed reddare tuis tandem mansure Sabinis | |
| Teque tuas numeres inter amicitias. | 10 |