| LXII | |
| Ludi magister, parce simplici turbae: | 10.62.1 |
| Sic te frequentes audiant capillati | |
| Et delicatae diligat chorus mensae, | |
| Nec calculator nec notarius velox | |
| Maiore quisquam circulo coronetur. | 5 |
| Albae leone flammeo calent luces | |
| Tostamque fervens Iulius coquit messem. | |
| Cirrata loris horridis Scythae pellis, | |
| Qua vapulavit Marsyas Celaenaeus, | |
| Ferulaeque tristes, sceptra paedagogorum, | 10 |
| Cessent et Idus dormiant in Octobres: | |
| Aestate pueri si valent, satis discunt. |